മാറാത്തതും മാറിയതും


ഇനിയും മാറാത്ത ചിലതുണ്ട്...
വെട്ടിമാട്ടാത്ത മുറ്റത്തെ അരളിച്ചെടി...
എല്ലാ വിഷുവിനും പൂക്കുന്ന കണിക്കൊന്ന..
ആരെയൊക്കെയോ മോഹിപ്പിക്കാനായി
 സുഗന്ധം പൊഴിക്കുന്ന ഗന്ധരാജനും
പിച്ചിയും മുല്ലയും...
മച്ചിന്റെ മുകളില്‍ ചിലക്കുന്ന പല്ലി..
അമ്പലത്തിന്റെ ആല്‍തറ  ...
അമ്മയുടെ ഉച്ചയുറക്കം...
അച്ഛന്റെ കൂര്‍ക്കം വലി..
അമ്മുവിന്‍റെ പിണക്കങ്ങള്‍, തല്ലു കൂട്ടങ്ങള്‍....
കാവിലെക്കുള്ള തിരി...
ഇനിയും ഞാന്‍ കണ്ടതും കാണാത്തതുമായ ഒരുപാട്...
പക്ഷെ മാറിയ ഒന്നിനെ ഞാന്‍ കണ്ടു
എന്നിലേക്ക് തന്നെ ഒന്ന് എത്തിനോക്കിയപ്പോള്‍ കണ്ടു...
ജീവനില്ലാത്ത ഞാനും എന്നിലുണ്ടായ
രീതികളും ചിന്തകളും തന്നെ ആയിരുന്നു അത്..