വിശ്വാസം

അവന്റെ മടിയിലിരുന്നു
ചുണ്ടുകളെ വാരി പുണരാൻ
ഒരിക്കൽ തോന്നിയിരുന്നു,.
പ്രണയം കൊണ്ട് നെഞ്ച് നിറഞ്ഞു
കണ്ണ് നിറഞ്ഞു.. പറയാൻ തുടങ്ങിയ നേരം..
നുണകളുടെ കേട്ട് പൊട്ടി...
പേര്.. വീട്.. സ്ഥലം.. ജോലി..
എല്ലാം ഒരു മിഥ്യ ധാരണ ആയിരുന്നു..
പ്രണയം പോയില്ല..
ആ തോന്നൽ പോയില്ല..
വിശ്വാസം അതാണല്ലോ എല്ലാം..
അത് പോയി..
_ഒന്നുമില്ലൈമയിൽ എന്തോ ഉണ്ടാകി
വെചിട്ട് അത് പ്രണയമാണെന്ന്
തെറ്റി ധരിക്കുന്ന പെണ്ണിന്റെ
വലുപ്പം കുറഞ്ഞ
വില കുറഞ്ഞ  മനസ്സാണ്‌ ഒരു
നിമിഷത്തേക്ക് എന്നെ ചിന്തിപ്പിച്ചത്.. _
അടുത്ത നിമിഷം...
 അവന്റെ ചുണ്ടിലും നെഞ്ചിലും
ചുംബനങ്ങൾ കൊണ്ട് നിറഞ്ഞു
അവനും ഞാനും ഒന്നായി.. ഒന്നിൽ ഒന്നായി..
ശൂന്യതയിൽ  രണ്ടായി.. വീണ്ടും ഒന്നായി..
വീണ്ടും വീണ്ടും.. വീണ്ടും..

വിശ്വാസം ഒരിക്കലും തിരിച്ചു വന്നില്ല..
സ്നേഹം കൊണ്ടൊരു കുഴിയുണ്ടാക്കി..
വിശ്വാസത്തെ കുഴിച്ചിട്ടു..
മൂന്നു ആത്മാക്കളായി ഭാഗിച്ചു..
അതിനു മുകളിൽ ഒരു മരം നാട്ടു നനച്ചു..

ആ മരത്തിനു ആഴ്ന്നിറങ്ങിയ വേരുകളുണ്ടായി..

അന്നത്തെ മരത്തിൽ ഉണ്ടായ
പൂക്കൾക്ക്‌ വിശ്വാസത്തിന്റെ ഗന്ധം ഉണ്ടായിരുന്നു..
കായ്കളിൽ വിശ്വാസത്തിന്റെ ഉറപ്പും ഉണ്ടായിരുന്നു..